التخطي إلى المحتوى

جون ناش , آدم سميث العالم الإقتصآدى الكبير جدآ وإللى لقبته النآس بالأب الروحى للإقتصاد الحديث وقتهآ ، ابتكر مبدأ وسمآه مبدأ اليد الخفية أو Invisible hand والمبدأ ده كآن بيقول إن الفرد إللى بيهتم بمصلحته الشخصية فقط وبتحقيق أحلامه هو فقط علشان يحقق المنفعة اللى هو عايزهآ وبس ف الحقيقة الشخص ده بيساعد ع تقديم المنفعة برضو للمجتمع ككل !!

برغم انه بيبحث عن مصلحته هو بس !! ولكن ده انطلاقا من مبدأ ان المجتمع عبارة عن مجموعة من الأفرآد ولو كل فرد من الأفراد دى حقق مصلحته الشخصية فقط فبالتالى مجموع المنافع الفردية اللى حققها كل شخص لنفسه هتعتبر هى منفعة المجتع ككل .. حتى اللى كان بيحقق مصلحته الشخصية بدون ما يكون قصده او نيته انه يحقق الفايدة للمجتمع برضو هيكون بيحقق منفعة المجتمع ككل .

ولكن المشكلة هنآ إن ممكن الفرد اللى عايز يحقق مصلحته الشخصية تحقيق مصلحته دى تعطل او تمنع فردين او تلاتة من تحقيق مصالحهم فبالتالى هيكون فرد واحد ف المجتمع حقق مصلحته ومع ذلك نجاحه ف تحقيق مصلحته منع 3 افراد مثلا انه يحققوا مصلحتهم ولو عممنا ده ع المجتمع بشكل عام هيكون الافراد اللى حققوا مصالحهم اقل بكتير من الاشخاص اللى محققوش مصالحهم وبالتالى ده هيضر المجتمع مش هيفيده يعنى لا يجوز ان المبدأ ده يكون معيار ثابت يقاس عليه تحقيق مصلحة المجتمع بتحقيق كل فرد مصلحته الشخصية فقط .

اقرأ أيضا :   المؤتمر العلمى الدولى الاول بليبيا Violence against children

جون ناش.

ثم أتى العالم الإقتصآدى والريآضى واللى إسمه “جون فوربس ناش” واخترع “نظرية التوآزن” واللى سميت بعد ذلك بإسم “نظرية ناش للتوازن” تيمنا بإسمه .. وكانت النظرية بتقول فيما معناه إن كون منفعة المجتمع ككل بترجع لبحث الشخص عن مصلحته ومنفعته هو بس ده شىء منقوص لأن ممكن بده يضر أكتر من فرد تانى كآن عآيز يوصل لنفس المنفعة بس معرفش يحققها لأن الفرد الأولانى حققهآ وسآعتهآ فعلآ هيكون حقق النفع لمصلحته هو وبس ولكن محققش النفع للمجتمع كله .

لكن هو لو حقق المصالح الشخصية بتاعته اللى بتحقيقها مش هتضر أى فرد ف المجتمع وكذلك كل الأفراد اللى ف المجتمع كل واحد عمل كده حقق مصالحه بدون ما يمنع تحقيق مصالح غيره فساعتها هيكون الافراد بيحققوا المنفعة للمجتمع او ع الأقل هيكون ف توازن ف تحقيق مصالح كل فرد لنفسه بحيث يحقق مصالحه بدون ما يمنع اى فرد غيره من تحقيق مصالحه برضو .

اقرأ أيضا :   الزعيم الكوري كيم ينوي ضرب جزيرة أمريكية

أعظم نظرية إقتصادية كانت سببها امرأة !

المضحك ف الموضوع إن العالم جون ناش جاتله الفكرة دى لما كآن قآعد ف بآر مع صحآبه وشآفوا بنت عجبتهم وصحآبه كآنوآ عآيزين كل وآحد يفوز بيهآ  ، كله بيدور ع مصلحته الشخصية بقى .. ساعتها ظهرت ف دماغ جون ناش الفكرة وقال لو كل واحد حاول يحقق مصلحته الشخصية ويفوز بأجمل بنت ممكن مفيش ولا واحد يعرف يوصلهآ وهنترفض ولو وصلهآ وآحد البآقى مش هيوصلهآ فالمنفعة معمتش كده ع الكل .. بس لو كل وآحد أخد بنت من صحآب البنت اللى كلهم عايزينها سآعتهآ هيكون كل وآحد حقق مصلحته الشخصية انه ياخد بنت عموما وف نفس الوقت معطلش مصلحة حد من انها تتحقق !!

ومن هنآ ظهرت نظرية نآش للتوآزن واللى أخد عليهآ بعد كده جآئزة نوبل للسلآم واللى كآن ليهآ دور كبير جدا ف الاقتصاد والتفاوض التجاري العالمى .

وده هو المقطع اللى بيوضح لحظة إكتشاف العالم جون ناش لنظرية التوازن واللى إتعمل عنه فيلم رائع بعنوان
” A Beautiful Mind ” ..

مقطع رائع من فيلم “A Beautiful Mind”  

 

اقرأ أيضا :   زعيم كوريا الشمالية يشجع فريق غير متوقع في الدوري الايطالي

 

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *